خاص. ها علاش وضعو صاحب مول الحوت محسن فكري على الحراسة النظرية هو و4 اخرين وها شكون

علمت "كود" من مصدر مسؤول ان عدد الموضوعين تحت الحراسة النظرية في قضية مقتل محسن فكري مول الحوت بالحسيمة فكاميو الزبل بلغ 5 اشخاص، وحسب مصدر "كود" فان الامر يتعلق بكل من مراقب بمندوبية الصيد البحري بالحسيمة وصديق للمرحوم وثلاثة خدامة. هذا الاجراء جاء بعد ايام من التحقيق اذ تم الاستماع لجميع الشهود ومن لهم علاقة باتلاف كميات الاسماك التي كانت سببا في هذا الحادث غير المسبوق.
دابا كلشي كيقلب على شكون ورك على البوطونة ديال كاميو الزبل من نوع "بين" وتسببت في هذا الحادث المفجع؟ خاصة بعد ان تاكد انه ماشي الشيفور. فهل كان صديقه عن طريق الخطآ ورك على البوطونة بلا ما يشوفها؟ هاد الشي غادي يبان فاستكمال التحقيق مع من وضعوا تحت الحراسة النظرية