الاتحاد طلع حتى هو ذكوري يقول ما لا يفعل. فلائحة الشباب جوج شابات فاللائحة =

حزب الاتحاد الاشتراكي اللي كيرفع شعار المساواة ودعم المرأة سقط في الاختيار. اللجنة الادارية للحزب اللي اختارت لائحة الشباب ولائحة النساء اكدت الامر. اختارت جوج شابات من اصل عشرة وماشي فالاول
لائحة الشباب ديال الاتحاد الاشتراكي ذكورية بامتياز، الاول هو المحامي طاهر ابو زيد وتابعو كمال الهشومي وعبد الخالق البومصلوحي وشقران أمام وشريفة لموير وعبد الله الصيباري وتوفيق العلمي وحنان رحاب ونوفل بلمير وزهير الكنفاوي. اول شابة هي شريفة لموير اللي جات خامسة وعضوة المكتب السياسي حنان رحاب داروها ثامنة. يعني حظوظهم بجوج يدوزو قليلة.
علاش ما يتفرضش شاب شابة فهاد الحالة كانت غادية تكون 5 شابات وخمسة شباب؟ ولكن الحزب يقول عكس ما يفعل وصافي.
باينة الرجال فالاتحاد ما كرهوش يدخلو للائحة ديال النساء.
اللائحة اللي تصوت عليها البارح اللجنة الارادية دارت ابتسام مراس هي الاولى عاد تبعاتها السعدية المتوكل وعتيقة جبرو وفوزية الحريكة وأمينة بنعمر وعباسة قراط والسعدية بنسهلي وفاطمة ولاد سعيد وحبيبة الديواني ونزهة اباكريم