فضيحة. ها كيفاش رشيد شاو شكر لفرانسيس وسب لمغاربة فمراكش: كون ما كانوش لفرنساويين ما ديروش هاد الشي". العلالي ل"كود": ما قع والو واحد الحضور: داك الشي باسل ونقدو غير ايكو

خلال سهرة الخميس في مهرجان الضحك الذي ينظمه جمال الدبوز بقصر البديع بمراكش بدا رشيد العلالي مقدم رشيد الشاو على "دوزيم" فالتقديم. تكلم ودوا وزاد فيه وكال للجمهور حسب احد الحاضرين ل"كود" ما معناه "شفتو هاد الديكور اللي فالحيط كون ما كانوش لفرانساويين ما يتصايبش" وشد فالمغاربة. فهاد اللحظة يقول مصدر "كود" بدا الحضور اللي كان كثير بزاف كيغوت. ما رضاش. السيد ما حاولش يتراجع والضحك ديالو طلع باسل. فهاد اللحظة دخل ايكو للخشبة باش ينقد الموقف. وحسب مصدر "كود" فان ايكو ما كانش عارف اش واقع حتى الاخير. ايكو قال باللي هاد المهرجان داروه لمغاربة والتقنيين ديالو مغاربة باش يبرد الجمهور. مصدر اخر تحدث ل"كود" عن غضبة جمال الدبوز من تصرفه
رشيد العلالي ضربها بنكرة. قال ل"كود" باللي التقديم داز مزيان واوضح ان "دوزيم نقلاتو" وانه كمل التقديم ديالو. نفى قصة سب لمغاربة او الشدان الباسل فيهم. صحافيون كانوا ضمن الحضور كذبوا رشيد العلالي "وراه كلشي مسجل. هو قودها وايكو عاونوا