وشوهة البرلمانيين والبرلمانيات زادت: برلمانية اسمها الابيض مشات لماليزيا وبدات تعطينا الدروس فالجغرافيا ونسات انهم تقدمو حقاش ما عندهش بحال ديك البرلمانية

واحد العينة من البرلمانيين والبرلمانيات خاصهم ينقارضو. خدمتهم يدورو العالم بفلوس الشعب. ها امريكا ها اوربا ها اسيا الا افريقيا ما عندهم معاها. من هاد العينة وحدة جات بالريع ديال لائحة النساء عن حزب ادريس البصري الاتحاد الدستوري يسمي فوزية الابيض. هاد لالة دارت كاع العالم وراكم عارفين النتيحة كبوة ورا كبوة للديبلوماسية ديالنا.
المصيبة انها وصلات لكوالالامبور بماليزيا وكال ليك في اطار مجموعة الصداقة المغربية الماليزية بالبرلمان المغربي وبدا كتعطي دروس فالجغرافيا على صفحتها. يا لالة تقدم ماليزيا ماشي باللي كتكتبيه بل لان ما فيهاش كائنات سياسية بحالك