نوضاتها "كود" بين الرجاء والوداد. اجضاهيم يرد على البوصيري: انت ماشي رجاوي حقيقي والحمرا ما عمرها تسيء للخضرا

تعقيبا على تصريح البوصيري مستشار رئيس الرجاء البيضاوي على "كود" واللي كال فيه "الرجاء كتعتمد على جمهورها ماشي على الاماراتيين" في اشارة الى الوداد البيضاوي وعلاقته بنادي "العين"٬ قال بوبكر جضاهيم الرئيس السابق للوداد في اتصال ب"كود" "حنا ما كنجاوبو الا الرجاويين الحقيقيين".
الرئيس السابق قال ل"كود" "كان يمكن لي نداكر مع رجاوي حقيقي. هاداك السيد كان مستشار ديال بناني وما عرفنا واش رجاوي ولا ماصاوي".
ودافع جضاهيم على شراكة الوداد مع الاماراتيين وقال ل"كود" "ايلى مشينا للامارات٬ فحقاش عروضنا وايماننا معروف. حنا ما كنتاعشوش بالاساءة للناس".
واعتبر الرئيس الودادي السابق ان ناديه والرجاء "وجهان لعملة واحدة" هي كازا٬ وان الحمرا ما عمرها تسيء للخضرا "حنا كنبغيو الرجاء تكون قوية مع وداد قوية".
واضاف "الوداد ما عمرها تحطم حقاش ما عندناش عداوة"