البوشحاتي ل"كود" : ها علاش تشبحت فالكاب فيردي والتيران اللي ربحنا فيه بغيت نبوسو وما عارفش كيفاش غادي ندير ايلى ربحنا غدا

قال نور الدين البوشحاتي النائب الثاني لرئيس الجامعة الملكية لكرة القدم ردا على سؤال ل"كود" حول فرحته بعد انتصار المنتخب المغربي لكرة القدم السبت الماضي ضد كاب فردي "كل واحد وكيفاش كيعبر على فرحتو". البوشحاتي اوضح في حوار مع "كود" انه كان سعيدا جدا بتلك النتيجة لذا وجد نفسه في غاية السعادة فارتمى على ارضية الملعب "هاديك طريقتي فاالتعبير عن فرحتي. كون كان شي حاجة اكثر من داك الفوز كون درتو والتيران اللي ربحنا فيه بغيت نبوسو" يشرح البوشحاتي.
هذه الفرحة اعتبرها "تلقائية" نائب رئيس الجامعة الملكية لكرة القدم "جميع لمغاربة كيبغيو منتخبهم وباغيين المنتخب يربح. هاد الشي اعتبره انطلاقة حقيقية وتأهلنا بنسبة 99 بالمائة. كون خسرنا كون اثرات علينا".
البوشحاتي قال ل"كود" ان هذا الفوز مهم لانه سيمكن المغرب من ربح نقاط كثيرة في التصنيف العالمي للمنتخب المغربي وسيجعله في مرتبة مزيانة "ايلى ربحنا الماتش ديال غدا قادين نتقدمو درجات وغاديين نوليو ثانيين فالمجموعات عوض الرابعين دابا"
وفي سؤال ل"كود" حول امكانية اعادة نفس التلويحة قال البوشحاتي "ما عارفش كيفاش نعبر وما كنفكرش قبل اش غادي ندير"