خاص. غضب صحراوي على الخلفي. وزير الاتصال الناطق الرسمي باسم الحكومة كيجهل العادات الصحراوية والثقافة الحسانية. بغاو يقدروه رد عليهم: ما تقدرونيش /فيديو/

الفيديو الذي نشرته "كود" امس الاربعاء يكشف جانبا اخر في علاقة سكان الشمال مع سكان المدن الصحراوية. وزير كان يدشن مهرجانا للفيلم الوثائقي بالعيون ليلة الثلاثاء. بغى يتصور وهو يرقص. ناض صحراوي جبد 200 درهم وبغى يعلكها ليه وهو يدفعو وما خلاهش "تصرف الوزير بين بانه كيجهل عاداتنا وتقاليدنا. اللي قام بيه تصرف اقلق السكان" يشرح احد سكان العيون ل"كود".
مصدر "كود" قال ل"كود" هاداك اللي بغى يعلك ليه راه نوع من التقدير للوزير. هو جاوبو بلا ما يعرف "ما تقدروني". المصدر اضاف ل"كود" انه "ماشي غير لبس الملحفة وراك وترقص شوية وراك عارف تقاليد المنطقة. هو وزير للاتصال وناطق رسمي باسم الحكومة وكال ليك باغي يدعم الثقافة الحسانية وبان بللي كان جاهل ما عارفش وهاد الشي راه خطير بزاف. راه لغرامة فالشمال ماشي هي لغرامة فالصحرا".
على عادة اهل الصحرا فان اللي علك ليك تقبلها لانها تقدير كبير ونوع من الاحتفاء على الطريقة الصحراوية بالشخص وكان عليه ان يقبلها ثم يعيدها وفقا للعادات المحلية.
دابا بزافت صحراوا اتصلو ب"كود" معبرين عن غضبهم من تصرفه.