واش كاين بصاح ضغط على بنكيران لمنح اوزين جهة فاس مكناس؟ اوزين ل"كود": هاداك عبث وما حققته انجاز شخصي ما تعطيه ليك لا خالتك لا عمتك لا حماتك وعندي طموح للجهة ولكن

وصف محمد اوزين القيادي في حزب "الحركة الشعبية" والفائز في اقليم ايفران في انتخابات الجهة ما نشر بخصوص صفقة بين بنكيران وحليمة العسالي /قيادية الحركة الشعبية وحماة اوزين/ بالعبث، وقال ل"كود" هاد الشي اللي كيتكتب وكيقال عبث في عبث يسوقه الفاشلون اللي ما عمرهم دارو التيران ومريحين فالفنادق المكيفة".
اوزين اكد ل"كود" ان ما حققه في ايفران وجعل حزبه يفوز بثلث المقاعد =50 من اصل 170 / "انجاز شخصي ما تعطيه ليك لا خالتك ولا عمتك ولا حماتك" وكيجيبو ليك غير "خدمتك واشتغالك فالتيران" وقال ل"كود" ان المدينة استفادت من استثمارات ضخمة في قطاع الرياضة وقطاعات اخرى بفضل تحركات وعمل اوزين. واعاد التأكيد "كل ما تحقق بفضل عملنا الميداني اللي ما بداش مع الحملة".
ووصف من يروج هذه الاشاعات ب"الفاشلين" اللي ماشي حتى اذكياء "البارح كيكولو حليمة ضغطات على الرميد وقبل حليمة ضغطات على العنصر واليوم على بنكيران واش هاد الشي كيقبلو شي عقل. راه فيه اساءة ليهم قبل ما يسيئو لرجال ونساء السياسة اللي كيجبدوهم".
بخصوص ترشيحه لمنصب رئيس الجهة قال اوزين ل"كود" "هاذ الطموح كاين ولكن راه كاينة اغلبية، ودابا كلشي رهين بالاتفاق مع قادة الاغلبية. نحن حزب يحترم ما تم الاتفاق عليه"