فؤاد الدويري وزير الطاقة والمعادن والمياه والبيئة يروي ل"كود" بدايات صيامه ويقول: أتحكم في تعاملي مع الناس وكنحب عشا خفيف بلا ليدام

"كود'' آش نا هي ذكرياتك مع رمضان أول مرة صمتي والهدية اللي خديتي ؟

لا أتذكر جيدا.. أظن أن أول يوم صمته في حياتي كان في بداية السبعينيات، تقريبا سنة 1971.
بالنسبة للهدية، طبعا تتمثل في مائدة الفطور والعشاء، ففي ذلك اليوم يحضرون لك ما تريد.

"كود'' واش سبق ليك ترمضنتي على شي واحد خلال شهر الصيام ؟

لا. أنا من طبعي أتحكم في تعاملي مع الناس، ثانيا لا أدخن فبالنسبة للمدخنين الأمر صعب في رمضان وحتى القهوة أحد من استهلاكها عندما تبقى سبعة أيام على دخول رمضان.

"كود'' فاش كدوز الوقت باش تجيب الفطور، وبعد وجبة الإفطار آش كدير؟

قبل الفطور غالبا بين المكتب والمنزل، وكذلك بعده أفضل البقاء في البيت وقليلا ما أخرج رفقة الأصدقاء.

"كود'' آش نا هوما الشهيوات لي كتبغيهم يكونو حاضرين في مائدة الإفطار؟

كل ما هو تقليدي، خاصة الحلويات ديال رمضان. كنحب العشاء خفيف بلا ليدام، الواحد خاصو يحافظ على الصحة ديالو في هذا الشهر.