حصري. "كود" في حوار حصري مع الصحراويون الثلاث الذين فاجئوا الامير مولاي الحسن بهدية في الداخلة: ها كيفاش جات الفكرة وها اللي كال لينا سيدنا مولاي الحسن

فاجأ ثلاثة مواطنين من مدينة الداخلة ماء العينين محمد سالم وخليل منصور وعبدات البوبيت /من مواليد 73/77/78/ الاقامة الملكية بكاليبو اول امس الثلاثاء 15 ابريل. الثلاث كما اوضحوا في حوار حصري مع "كود" احضروا جملا هدية شخصية منهم الى ولي العهد واخته الاميرة لالة خديجة.
الثلاث يوضحون ل"كود" انتقلوا الى الصحراء بحثا عن احسن انواع الجمال "مشينا جبنا جمل ذكر يدعى الازرك" وهو قائد الابل معروف عند اهل الصحرا بجمالو وقيمتو وجبناه عند مقر اقامة مولاي الحسن ولالة خديجة"
طبعا قبل هذه العملية يقول الثلاث ل"كود" كانت الفكرة، واش كالها ليهم شي حد؟ "حنا شباب الداخلة شفنا سيدنا مولاي الحسن جا عندنا اول مرة ومن عاداتنا فكرنا فاجمل هدية واختارينا "الازرك" هدية صحراوية فالمناسبات الكبيرة. ما كلنا لينا حد. حنا ناس بسطا جمعنا ثمن الهدية بمجهود ذاتي وما كلناها لحد" يوضح الثلاث في حوارهم مع "كود"
لكن ماشي غير جي وجيب جمل لولي العهد؟ "حنا ما فكرنا حتى فشي حاجة. هيأنا الازرك وكان غاسل مقاد وخديناه للاقامة وما خبرنا حد. باش وصلنا خبرناهم فالحراسة. طلبو منا نتسناو. بقينا كنتسناو وهما كيكولو لينا مولاي الحسن غادي يستقبلكم" يضيف الثلاث ل"كود".
الاسقبال كان حميميا والامير رفقة اخته لالة خديجة كانا فرحين جدا بالهدية يقول الثلاث ل"كود"، ثم يضيفون ل"كود" "استقبلنا ورحب بنا وكال لينا "باراك الله فيكم وشكرا شكرا" حس باللي المنطقة كتبغيه وجاتو شي حاجة كبيرة. مولاي الحسن لمسو وعجبو والاميرة لالة خديجة كانت كتضحك وعاجباها حتى هي الهدية"
وهاد الشي درتوه غير لله فسبيل الله؟ "طبعا" يوضح الثلاث ل"كود" "حنا بسطا ووالدينا متوفيين وباش سولونا هادوك اللي خدامين فالقصر واش محتاجين لشي حاجة كلنا ليهم "باغين رضات سيدنا ما باغين حتى شي حاجة".
الثلاث اوضحوا ل"كود" ان مسؤولا بالقصر اتصل بهم من بعد واعاد شكر الامير لهم واخبرهم كذلك ان الملك يشكرهم "طلبو منا نخليو تلفوناتنا شاعلين راه سيدنا باغي يشوفنا" يشرح الثلاث ل"كود"