عادل تاعرابت كان غايسلخ كاكا: غوت عليا وشنقت عليه

كشف الدولي المغربي عادل تاعرابت أنه الضارب مع النجم البرازيلي السابق ريكاردو كاكا والأسطورة ديال ميلان الإيطالي، ملي كانو كيلعبو فيه بجوج.
وكشف النجم المغربي عادل تاعرابت اللي كيلعب دابا مع النصر الإماراتي، فحوار مع المجلة الطاليانيةLa Gazzetta dello Sport : كنتفكر واحد المضاربة ما كاينش بحالها، عارف أن هذا الشي غيكون غريب على اللي كيسمعو حيث كاكا هو الولد القدوة ولكن راه هادشي وقع.. فواحد الحصة تدريبية كنا كنتدربو الهجوم ضد الدفاع، وأنا فبلاست ما نعطي الكورة لكاكا باسيتها لبالوتيلي، وهو يبدا كاكا كيغوت".
وكمل تاعرابت: "قلت مع راسي جاهنام هاي راه كاكا هذا!! كنت مصدوم، وهو ما سكتش من الغوات، وأنا نشنق عليه، وقلت له راني عارفك كاكا ولكن ملي كتغوت عقلي كيخرج ليا وهما يفكونا".
وكمل النجم المغربي السابق للميلان: "الغد له طلبت من كاكا المسامحة ومشينا تغدينا بجوج".