البارح.. الحشيش تهرب من جماعة المهاريز نواحي البير الجديد

كشفات مصادر ديال "كود " ،ان البارح الاربعاء خرج الحشيش من طرف شي عصابة مختصة فالتهريب الدولي للمخدرات من البحر لي فجماعة المهاريز ولي تابع الجادرمية ديال البئر الجديد او نشا للمياه الاقليمية .
المصدر نفس قال ،ان من بعد مخرجات كمية كبير ديال الحشيش عبارة عن رزم من الشريط الساحلي ولي كين فجماعة المهاريز ،جاو الجندارم ديال البير الجديد ، او شدو ثلاثة ديال الحمالة او حجزو سيارة رباعية الدفع مشكوك في مصدها ولي كانو استعملوها مافيا التهريب الدولي ديال الحشيش فالعملية ديال تهريب الحشيش لبرا .
دبا راه كينا لانكيط مع هذوك ثلاثة ولي تم وضعهم تحت تدابير الحراسة النظرية بتعليمات من النيابة العامة المختصة ،باش يحقوا معاهم بخصوص ظروف وملابسات هذا العملية ،وكذا معرفة الجهة ولي اتخدت الشريط الساحلي كاز الجديدة مسرح لعمليات التهريب .