واش غايسمعو ليه؟.. بركة خايف يتفركع المؤتمر وصيفط رسالة للمؤتمرين: استحضروا التوافقات البناءة وقيم حب الوطن – فيديو

وجه نزار بركة، الأمين العام لحزب الاستقلال، نداء إلى عموم مؤتمري حزب الاستقلال، من أجل استحضار التوافقات البناء والخيار الديمقراطي، وذلك في إشارة إلى ضرورة تجاوز الخلافات الداخلية.
نداء بركة، شكون غايسمع ليه. واش تيار حمدي ولد الرشيد للي هو الأمر والناهي فحزب الاستقلال، ولا تيار بنحمزة والكيحل وتركة شباط ومضيان، اللي كيشوفو راسهم "فقدو كولشي" وخصهم يديرو حرب "الكل في الكل" أو "سياسة الأرض المحروقة".
المعطيات اللي تسربت لبارح كتقول بلي تيار ولد الرشيد استعان بالنقابة باش يأمن المؤتمر، جاب الفيدورات ونقابيين صحاح باش حتى يلا وقعات شي مشاحنات يحميو المؤتمرين وقيادات الحزب.
ودعا بركة إلى استحضار قيم حزب الاستقلال حب الوطن والصالح العام والابتعاد عن الانانية وتكون توافقات بناءة والخيار الديمقراطي الأنسب لبلادنا.
يشار بلي حزب الاستقلال غايبدا المؤتمر الوطني الثامن عشر اليوم، بشعار "تجديد العهد .. من أجل الوطن والمواطنين".