أيوب الكعبي هداف أولمبياكوس اليوناني وجاب رباح جديد هو ويوسف العربي

تألق الدولي المغربي أيوب الكعبي مرة اخرى مع الفريق ديالو أولمبياكوس اليوناني، وساهم فالرباح ديال الفريق اليوم الاحد على باس لاميا فبطولة اليوناني، وعزز الرصيد ديالو كهداف فاليونان، فماتش ماركا فيه حتى المغربي المخضرم يوسف العربي اللي كيلعب حتى هو مع أولمبياكوس.
وقدر أيوب الكعبي يماركي 2 بيوتا لأولمبياكوس فالماتش ضد باس لاميا، واللي سالا بنتيجة 5 لواحد، وسجل المهاجم المغربي الهدف الثاني والهدف الثالث فالدقيقة 26 من بلانتي وفالدقيقة 45 من الماتش مع العلم أنه خرج بتغيير من الماتش فالدقيقة 58، وعرفت المباراة مشاركة الدولي المغربي المخضرم يوسف العربي اللي دخل كبديل فنفس الدقيق، وقدر يماركي الهدف الخامس فالدقيقة 85.
وكيتعتبر أيوب الكعبي دابا من اللاعبين الأساسيين بالنسبة لأولمبياكوس اليوناني بفضل العروض القوية والمستوى القار اللي كيقدم مع الفريق، والأهداف اللي كيماركيها، ومنفرد بصدارة هدافين البطولة اليونانية برصيد 17 هدف.