زينباور: ماتش آسفي كان صعيب والزنيتي تألق فالبيلانتي وربحنا.. فرحان حيث جمهور الرجاء كيغني عليا وخاصنا نبقاو الربحو باش يبقى هاد الحب

عبر الألماني جوزيف زينباور مدرب الرجاء الرياضي على الفرحة ديالو حيث الفريق ربح أولمبيك آسفي فسدس نهائي كأس العرش وتأهل لثمن النهائي، وأكد أن الماتش اللي تلعب فتيران برشيد ما كانش ساهل.
وهضر جوزيف زينباور بعدما ربحو الرجاء فريق أولمبيك آسفي بنتيجة 2 لزيرو، وقال: "درنا ماتش مزيان ضد آسفي اللي كان خصم صعيب.. ما قدرناش نماركيو فالشوط الأول وكان عندنا مشكل ديال التسجيل واخا تحكمنا فالماتش، وفالشوط الثاني كان عند الزنيتي دور مهم ملي حبس البيلانتي قبل ما نماركيو وبرافو للجمهور ديالنا اللي كيساندتا وحتى للاعبين على المستوى ديالهم".
وبخصوص الدعم ديال جماهير الرجاء الرياضي له، قال جوزيف زينباور: "فرحان بزاف حيث الجماهير الرجاوية كيغنيو عليا وخاصنا نبقاو نربحو باش يبقى هاد الحب الزين".