وكيل الملك فكازا هبط الدالي ديال "الشباب الملكي" لعكاشة بعد ما سب قاضي التحقيق

تقدم اليوم الأربعاء مول "الشباب الملكي" أمام وكيل الملك بالمحكمة الزجرية فكازا من طرف لابيجي ديال عين السبع الحي المحمدي، واللي قرر يهبطو للسجن المحلي عكاشة ويتابعو في حالة اعتقال بجنح إهانة رجال القضاء وإهانة هيئة منظمة وإحداث ضوضاء وعرقلة مرفق عمومي مع تحديد أولى جلسات محاكمته في القاعة 8 .
تفاصيل توقيف هذا الفايسبوكي وللي الاسم ديالو الدالي محمد، لي ولا معرف، مؤخراً ، بخرجاته غير المسؤولة التي تتضمن قذفا للقضاة والمحامين والصحافيين والمواطنين، تعود مللي دخل للمحكمة وحيح كيف موالف على القضاة وسبهم وعربد عليهم ولكن هاد المرة مادوزهاش ليه قاضي التحقيق اللي حسب شهود عيان تعرض لوابل من السب والشتم والإهانة باش يمارس الضغط على قاضي التحقيق باش يصدر شي قرار يناسبو .
وحسب مصادر كود راه مول هاد الجمعية معروف أنه كان كايفرق أوسمة على القضاة صحابو وهو عندو مجموعة من الشكايات والمساطر ولي كانت غابرة او كيسولو عليها ماليها لكن بدون جدوى، بالإضافة لكونه استغل صور سيدنا من خلال هاد الجمعية ديال الشباب الملكي.