خاص: بوليس كازا طيحو 10 طن ديال الحشيش بعدما ناضت قرطاس

كشفت مصادر مطلعة ل"گود" أن البوليس ديال الدار البيضاء وبناء على معطيات وفراتها ليهم المديرية العامة لمراقة التراب الوطني طيحو 10 طن ما بين المحمدية ومديونة.
ووفق ما علمت "كود " فراه البوليس تبعو طوموبيل حتى المحمدية بعدما ديقو عليه الخناق جبد سلاح ناري وبدا كيتيري في البوليس قبل ما يتيريو فيه وطيحوه قتيل وحجزو 5 طن فهاد الطومبيل، وأما الطومبيل الثانية فراه هربات لمديونة وتاهي تشدات وفيها 5 طن ديال الحشيش.
هاد العملية وفق مصدر "گود " كتدخل في إطار محاربة الإتجار الدولي للمخدرات.
تفاصيل آخرا لاحقا.