الركراكي: ها علاش اختارينا نلعبو ضد موريتانيا وبغيناهم يديرو لينا المشاكل

اعتبر الناخب الوطني وليد الركراكي ان الماتش الودي ضد موريتانيا غدا الثلاثاء، غيكون اختبار بالنسبة للأسود خصوصا وان الموريتانيين مؤخرا المستوى ديالهم كبر، وليكيب ناسيونال خاصهم يلعبو مع بحال هذا النوع من المنتخبات اللي كتعرف تدافع.
وهضر الناخب الوطني وليد الركراكي خلال الندورة الصحافية اللي كتسبق ماتش المغرب والمنتخب الموريتاني وقال: "موريتانيا منتخب اللي فالأعوام الأخيرة كيكونو مزيانين فكوب دافريك وفالمستوى وحنا بغينا هذا النوع من الماتشات حيث هما فريق كيدافع مزيان وتأهلو للدور الثاني من كوب دافريك بحالنا وفريق اللي كيكبر ويقدر يدير لنا مشاكل غدا باش حتى حنا نكبرو فالنيفو ديالنا".