الناس كاعية على الحفاري للي فالطريق بين سطات وابن احمد وعلى المسؤولين دالقطاع وليكيب د الصيانة للي ما مسوقينش

بزاف من مستعملي الطريق الجهوية الرابطة بين سطات ورأس العين الشارية وابن احمد طالع ليهم الدم ومتذمرين من الوضعية الكارثية للي كيعرفها هاذ المسلك الطرقي، للي وللا عامر غير حفاري، نتيجة ما أسماه المتضررون تجاهل الجهات المسؤولة عن القطاع وخاصة فرقة الصيانة الطرقية بالمندوبية الإقليمية ديال التجهيز بسطات .
وقالت مصادر "كود"، أن سباب الحفر الكثيرة هي الشتا للي ساهمت في ارتفاع جنبات الطريق، للي وللات كتشكل خطورة على المواطنين للي كيستعملوها.
وأضافت المصادر ذاتها، أن هاذ المقاطع الطرقية وللات كتسبب مشاكل كثيرة لمرتاديها خاصة للي ماشي من المنطقة، منها الخسائر المادية والميكانيكية لهياكل وإطارات سياراتهم.
واستغربت فعاليات حقوقية وجمعوية بالإقليم صمت الجهات المعنية وخاصة المندوب الإقليمي للتجهيز على هاذ الحالة المزرية للي كتعيشها هاد الطريق، وطالبو بإصلاحها.