قبل إبراهيم دياز.. موهبة مغربية من أب إسباني اختار يلعب للمغرب بعدما كان كابيتان إسبانيا (تصاور)

نجحت الجامعة الملكية المغربية لكرة القدم باش تقنع موهبة جديدة فإسبانيا، باش تلعب للمنتخب الوطني المغربي، واخا مازال فعمر صغير.
وكيتعلق الأمر باللاعب الشاب لويس فيليس ماگوزا، الكابيتان ديال المنتخب الإسباني لأقل من 17 عام، واللي كيلعب مع فريق ريال بتيس لأقل من 17 عام.
وعلن اللاعب الشاب لويس فيليس ماگوزا مول ال16 عام واللي الأم ديالو مغربية والأب إسباني، على الاستدعاء ديالو للمنتخب المغربي لأقل من 17 عام، وحطها فسطوري فأنستغرام ديالو.
كيسبق هذا الخبر الجديد، الإعلان ديال نجم ريال مدريد إبراهيم دياز الاختيار ديالو للمنتخب اللي غيلعب معه، واش المغرب أو إسبانيا، مع العلم أن عدد من المواهب الشابة اختارت اللعب للمغرب بحال يوسف لخديم موهبة ريال مدريد، وآدم انزو موهبة بايرن ميونخ واللي كبر فالبارصا.