الوداد سلاو استعداداتهم لماتش گلاكسي وواجدين للرباح

سالاو الوداد الرياضي الإستعدادات ديالهم لمواجهة گلاكسي البوتسواني، فالماتش اللي غيتلعب غدا السبت فمدينة فرانسيستوون البوتسوانية، ضمن الجولة 5 من دور مجموعات دوري أبطال افريقيا.
وبعدما وصلو اليوم لبوتسوانا، مشاو الوداد دارو حصة تدريبية هذه العشية فتيران أوبيد إيتاني ستاديوم فرانسيستون فين غيتلعب الماتش غدا ضد گلاكسي، والحصة التدريبة يالاه سالات، ودازت الحصة تحت اشراف المدرب فوزي البنزرتي، وكانت فأجواء زوينة وكان المورال طالع عدن اللاعبين ومركزين على ماتش غدا.
وغيلعب غدا الوداد الرياضي ضد گلاكسي البوتسواني مع 3 د النهاد بتوقيت بوتسوانا وهي 2 بعد الزوال بتوقيت المغرب، والماتش مهم وخاصهم يربحوه باش يحافظو على حظوظهم فالتأهل إلى ربع النهائي من دوري أبطال افريقيا.