الوداد واجدين لماتش ليفار: الواك بايتين فالرباط وناشطين قبل الكلاسيكو

سالاو الوداد الرياضي الإستعدادات ديالهم لمواجهة فريق الجيش الملكي غدا الثلاثاء فتيران القنيطرة، ضمن الدورة 10 من منافسات البطولة الاحترافية.
ودارو الوداد الرياضي عشية اليوم الاثنين آخر حصة تدريبية فتيران بنجلون، وشدو وراها الطريق للرباط اللي بايت فواحد من الفنادق ديالها هذه الليلة، قبل ما يمشيو يلعبو الماتش غدا الثلاثاء ضد الجيش الملكي فتيران قنيطرة.
الحصة التدريبة ديال الوداد الرياض اليوم عرفت الرجوع ديال اللاعب امين بوالفتح اللي كان موعت، ودازت فأجواء زوينة، وحتى المورال تحسن عن اللاعبين وبداو كيتجاوزو الخسارة الأخيرة ضد كلاكسي البوتسواني.
الأكثر من هذا فالمدرب عادل رمزي عارف كيفاش يخلق جو زوين داخل الكروب قبل من ماتش الكلاسيكو ضد ليفار، وفالعشا ديال اليوم احتفلو بعيد ميلاد اللاعب هشام ايت برايم.