ها تشكيلة الوداد ضد كلاكسي البوتسواني.. رمزي لقا بديل بوالفتح والحمرا داخلة تربح

اختار عادل رمزي مدرب الوداد الرياضي اللاعبين اللي غيدخلو يلعبو الماتش ضد كلاكسي البوتسواني اليوم السبت فالعشية فتيران مراكش الكبير، ضمن الجولة الاولى من كروبات دوري أبطال افريقيا، وقرر يلعب امين فرحان فالدفاع بلاصة امين بوالفتح اللي غايب حيث موعت.
وقرر عادل رمزي يدخل ضد كلاكسي البوتسواني بتشكيلة ودادية مكونة من الكول يوسف المطيع، ويحيى يعطيك الله، وايوب العملود، وجمال حركاس، وأمين فرحان.
وفوسط التيران كاين كل من الكابيتان يحيى جبران، وزكرياء دراوي، وعبد الله حيمود، والهجوم فيه منتصر الحتيمي، وهشام بوسفيان، والشرقي البحري.