ها تشكيلة الوداد فالفينال ضد صن داونز: سرغات لاعب بلاصة جبران والحتيمي داخل رسمي.. المورال طالع فالحمرا ومعولين على الرباح واللقب

حدد عادل رمزي مدرب الوداد الرياضي اللاعبين اللي غيعتمد عليهم اليوم الاحد، فروتور فينال السوبر ليك ضد ماميلودي صن داونز الجنوب إفريقي فبريطوريا، وغيلعب أنس سرغات فبلاصة الكابيتان يحيى جبران اللي موقف، ومنتصر الحتيمي داخل رسمي.
وقرر عادل رمزي يدخل ضد ماميلودي صن داونز الجنوب إفريقي بتشكيلة مكونة من الكول يوسف المطيع، والمدافعين أمين بوالفتح، وجمال حركاس، ويحيى عطية الله، وايوب العملود.
وفوسط التيران كاين أنس سرغات، وزكرياء دراوي، وعبد الله حيمود، والهجوم فيه الشرقي البحري، هشام بوسفيان، منتصر الحتيمي.
الوداد وصلو بخير للتيران، وغيدخلو دابا شويا يديرو التسخينات اللي كتسبق الماتش استعدادا للمباراة ديال الفينال ضد صن داونز، والأجواء داخل الفريق حماسية.