الجابون كتستاعد لتجربة جديدة فالفضاء.. غادي تطلق قمر اصطناعي ديال الخشب وها علاش

كيبنيو علماء يابانيين دابا واحد القمر اصطناعي جديد مصنوع من الخشب كلو، وكتقول اليابان أن الهدف ديالها من هاد الابتكار الجديد هو أنها تحافظ على البيئة وتحارب التلوث الفضائي لي كيتسبب فثقب الأوزون.
على حساب ماقال الجورنال ديال "د تايمز" البريطاني، فالقمر الصناعي الجديد لي غادي تطلقو اليابان غادي تديرو شركة سميتها "لغنوسات "Lignosat، وغاد يطلع للفضاء فوق واحد الصاروخ ميريكاني.
هاد القمر الصناعي الجديد كان ثمرة ديال واحد المجهود مشترك بين جامعة كيوتو اليابانية وشركة "سوميتومو فوريستري" التجارية.
وغادي يكون هاد القمر مصنوع من خشب الماغنوليا، وكتقول اليابان أنها غادي تدير هاد المشروع بعدما جربات أن الخشب قادر أنه يقاوم ظروف الفضاء، وسبق ليها لاحتو فالفضاء وبقا فحالة مزيانة لمدة 9 شهور.