وزير داخلية اسبانيا كيدوز أكفس ايامو.. بعدما تقتلو 2 من عناصر لاگوارديا سيپيل وتحميلو المسؤولية وجبدو ليه ڤيديو د اليونيفورم ديالهم كيتصايب فالمغرب

وزير الداخلية الصبليوني، فرناندو گراندي مارلاسكا، كيدوز ف الفترة الأخيرة أكفس الأيام ديالو. جورنالات وصفحات إخبارية مؤثرة فالسوشيال ميديا دايرين عليه ضغط كبير، خاصة بعد مقتل جوج من الحرس المدني على يد تجار مخدرات ف سواحل قادش.
الانتقادات الموجهة للوزير مارلاسكا كتحملو مسؤولية هاد الحادثة بسباب خفض مصالح الوزارة ديالو النفقات المخصصة ديال مكافحة تهريب المخدرات، بالإضافة إلى ضعف التجهيز واللوجستيك ديال الحرس المدني فمواجهة هاد العصابات الإجرامية.
مارلاسكا شارك ف مراسيم تشييع جنازات الضحايا وهي المناسبة اللي عرفات توجيه شعارات ضدو من طرف الحاضرين بلغات حد المطالبة بالاستقالة ديالو، بالإضافة إلى مواجهتو بصيحات الاستهجان فكل تصرف أو تحرك ديالو خلال الجنازة..
صفحات السوشيال ميديا جبدات ليه ڤيديو ديال يونيفورم ديالهم اللي كيتصايب ف المغرب. مقطع الفيديو كتهضر فيه مراة كتدير المصلوح للپولو ديال السيرڤيس ديال راجلها وفيه تيكيت كتشير أن الإنتاج ديالو كيتم فالمغرب..
وكانو جوج دالعناصر من الحرس المدني الإسباني، ماتو نهار الجمعة، بعد اصطدام مع زورق كيحمل شحنة ديال المخدرات على ساحل ''بارباتي'' بقادش.
وحسب ما أوردته صحيفة ''diariodecadiz.es'' صرح وزير الداخلية الإسباني فيرناندو غراندي مارلاسكا أنه لن يكون هناك ''إفلات من العقاب'' للجناة المتورطين في هذا العمل الإجرامي.