الرئيس السابق ديال تشيلي مات فكسيدة خايبة.. طاحت بيه هيليكوبتير فواحد البحيرة

علنات الحكومة ديال تشيلي البارح الثلاثاء أن الرئيس السابق ديال البلاد لي سميتو سيباستيان بينيرا مات فواحد الكسيدة ديال هيليكوبتير.
وقالت الحكومة أن الرئيس السابق مات بعدما طاحت الهيليكوبتير فواحد البحيرة سميتها أجو لانكو، وقالو أنهم جبدو الجثة ديالو من وسط البحيرة.
هاد الرئيس حكم البلاد من عام 2010 ل 2014، وعمرو دابا 71 عام.
وعلى حساب مقالت الصحافة فالتشيلي أن 3 من الناس لي كانو مع الرئيس ف الهيليكوبتير فلتو من الموت بأعجوبة، وجبدوهوم حيين بعدما طاحت الهيليكوبتير.