خمسة دناس فلتو من الموت بسبب احتراق السيارة لي كانو راكبين فيها فالناظور

خمسة ركاب فلتو من الموت بأعجوبة بعدما تقلبات وتحرقات السيارة لي كانوا راكبين فيها، فحي ترقاع وسط مدينة الناظور، يوم الاحد الماضي.
وحسب مصدر مطلع، أسباب الحادث مزال ما تكشفات، غير أن الركاب بخمسة، تعرضوا لاصابات وكسور، ثلاثة منهم إصاباتهم خطيرة، وواحد منهم بين الحياة والموت، كيسهر طاقم طبي خاص فمستشفى الحسني، على تتبع الحالة ديالو.
الحادث عرف استنفار فصفوف جهاز الوقاية المدنية والسلطة المحلية، بحيث تم فتح تحقيق من طرف عناصر الأمن، باش يوقفو على الأسباب الحقيقية ديال الحادث.