الوداد دايرين عشا للبنزرتي واللاعبين باش يموتيفيوهم قبل ماتش الفتح ويبداو روتور البطولة مزيان

باغيين الوداد الرياضي يبداو روتور البطولة الاحترافية لكرة القدم ودوري أبطال إفريقيا بطريقة مزيانة، باش يحافظو على أماله فالتتويج بشي لقب على الألقاب اللي لاعبين عليها هذا الموسم.
ودايرين إدارة الوداد الرياضي برئاسة عبد المجيد البرناكي عشا للاعبين اليوم الاحد موعد استئناف التداريب فتيران بنجلون مقر النادي بالدار البيضاء، باش يرفعو من المعنويات ديالهم ونشطوهم فجو عائلي ودادي.
وكيوجدو الوداد الرياضي بقيادة المدرب فوزي البنزرتي، باش يبداو مزيان مرحلة الروتور، وعندهم ماتش مهم الاربعاء الجاي ضد الفتح الرياضي ضمن الدورة 16 من البطولة الاحترافية، باغيين يربحوه للحفاظ على أمالهم فالتتويج باللقب.