ميريكاني قطع الراس ديال باه ونشر الجريمة ديالو ففيديو فيوتوب وها علاش

هزات واحد الجريمة خايبة ميريكان كلها، بعدما قطع واحد الولد راس باه لي فالعمر ديالو 68 عام ونشرو على يوتوب.
الجريمة وقعات فولاية بنسلفانيا في ميريكان ولي دار الجريمة سميتو جاست موهن، وباه خدام فالحكومة الفدرالية.
هاد الشخص بان أنه من المتطرفين ديال ميريكان، وقال أنه قطع الراس ديال باه حيت خدام فالحكومة الفدرالية، ودار هادشي لأنه غاضب من الحكومة وسياستها على الهجرة والمهاجرين، وطالب كاع الميريكانيين البيضين يديرو بحالوو ويقطعو الريوس ديال موظفي الحكومة الفدرالية.
الفيديو لي كانت المدة ديالو 14 دقيقة بقا 6 دالسوايع فيوتوب قبل ماتحيدو نهائيا.
الشرطة علنات أنها شدات المجرم ولقات بصح الجثة ديال باه ف الدوش ديال الدار والراس فبلاصة أخرى.