دخلات دير عملية باش تحيد الحجر من الكلاوي وخرجات برجلين مقطوعين.. هادي هي القصة المأساوية ديال ميريكانية

دخلات واحد المراة ميريكانية فولاية كينتاكي، للسبيطار باش تدير عملية عادية ومعروفة ديال تحياد الحجر من الكلاوي، ولكن وقعات ليها فاجعة كبيرة صدمات الأهل والحباب ديالها مللي خرجات من الغرفة دالعمليات بلا ساقين.
على حساب مقالت الصحافة ف ميريكان، الأطباء لي دارو ليها العملية تفاجؤوا بواحد العدوى دالبكتيريا خايبة نتاشرات فيها وبززات عليهم يحيدو ليها الرجلين.
هاد السيدة سميتها سدني مولينز، وهادي غير شي يامات كانت كتعيش حياة عادية جدا، ولكن دابا كلشي تبدل.
كتقول أن الأطباء اكتاشفو واحد العدوى خايبة بزاف تسببات ليها فالتعفن، وهادشي لي خلاهوم يقطعو ليها سيقانها.
لي كيضر اكثر أن هاد التعفن ضرب ليها حتى شي بلايص فيديها، ومهددة بزاف باش يحيدوهم ليها حتى هوم.
واخا هكاك مولينز صابرة، وكاتقول أن المهم أنها باقا حية وغادي تشوف مزال ولادها.