عاشت مصر واحد الجريمة خايبة،الأربعاء، هضرات عليها كاع الصحافة ف البلاد، بعدما قتل واحد الراجل مراتو قدام ولادهم، وخشا فيها الموس 42 مرة. على حساب ماقالت الصحافة المصرية فهاد الجريمة كانت ف مدينة الإسكندرية، والسبب ديالها هو خلافات زوجية بين المراة وراجلها. كيقولو الجيران ف الشهادات ديالهم أن هاد الزوج كان معروف أنه مدمن على الحشيش وفين كيتقطع كيشعلها مع مراتو. سمعو الجيران الغوات ديال الدراري لي هربو وقالو ليهم شنو شافو، وحاولوا الجيران فالاول يشدوه ولكن فلت منهم. والبوليس من بعد تبعوه وشدوه فشي دروبة ديال الإسكندرية ودابا عرضوه على القضاء باش يشوفو قضيتو.