خاص وزارة السياحة تحاسب. يوتوبر جزائري كان جا يسوق مراكش: رياض محرز جاسوس سيفطو المخزن باش يخسر الجزائر ويخرجو من الكان

فضيحة يتحاسب عليها اللي جابو يسوق السياحة فبلادنا. اليوتوبر الفرنسي من اصل جزائري محمد حني لي جابتو وزارة السياحة فماي 2023 باش يروج للسياحة فمراكش ومنها المغرب٬ ولى تخصصو يسب المغرب وبغباء. خرج كيدوي ويتاهم رياض المحرز بأنه جاسوس مدخلو المغرب للمنتخب الجزائري باش يكون سبب فالخسارة ديالهم.
وطالع حاليا طوندونس فيديو ديال الجزائري محمد حني لي متبعو تقريبا 2 مليون الناس على مواقع التواصل الاجتماعي ديالو، ولي قال فالماتش لي قبل من ديال موريتانيا أن الكوايري رياض محرز هو جاسوس مغربي مسيفطوني المغرب باش يخسرهم فالماتش وميلعبش مزيان. هاد اليوتوبر بقى يحلف ويعطي القلبو أن المغرب لي مسيفطين محرز باش يخرجو الجزائر، وقال أن الأم ديالو مغربية وهادشي كيشرح بزاف الأمور. وشبه حني محرز بجيمس بوند 007 حيت ملعبش مزيان ومبانش فالماتش وكانت المهمة ديالو الرئيسية هي يخسر الفريق الجزائري.
هاد اليوتوبر كان جابتو وزارة السياحة يسوق سياحتنا. كان قال الشعر على مراكش بعد ما دوز عطلة فابور فيها. دابا قلب الپارابول
Il parait que le régime algérien a recruté le chômeur le plus célèbre de France pour faire l'habituelle propagande visant l'image du Maroc... Au moins 3 sorties visant implicitement le Maroc depuis le début de la #CAN2023 par ce ???? pic.twitter.com/jspmKhJ5HN
— Ali KETTANI  (@Alikettanii) January 22, 2024