لمضاربة بين الركراكي عميد الكونگو: ها كيفاش بدات بسلام ناقص وسالات بجري علي نجري عليه فالڤيستيار

كشفت "Footmercato" أن شانسيل مبيمبا، عميد منتخب الكونغو الديمقراطية لكرة القدم، كان مورا الصداع اللي ناض بين المنتخب الوطني المغربي ومنتخب الكونغو بعد نهاية الماتش اللي سالا بالتعادل هدف لمثله بمدينة سان بيدرو.
وحسب المصدر نفسه، فإن هاد اللاعب ديال الكونغو دافع أولمبيك مارسيليا سلّم سلام ناقص على الإطار الوطني وليد الركراكي. كيفاش وقع. فحسب هاد الصحفية، فإن هاد اللاعب سلم على الركراكي بلا ما يشوف ليه فعينيه.
كما أكد باللي هاد اللاعب كان معصّب بزاف وبدا يستنفر المدرب وليد الركراكي، مما تسبب في قربالة داخل التيران، وكانوا الصحفيين بغاو وليد يهضر على هادشي لكن هذا الأخير جا ضاحك للندوة الصحفية وقاليهم أنه مابغاش يهضر على هاد الموضوع إطلاقا.
وأضاف الركراكي باللي كيحترم اللاعب مبيمبا وباللي يمكن كان طالع ليه الأدرينالين، موضحا باللي هو معندوش مشكل فهادشي فهادشي اللي وقع وخا بقا فيه الحال لكن الحرارة خلات كولشي يطلع ليه الضغط.
هاد الصحفية الواسعة الانتشار ففرنسا قالت باللي مدرب الكونغو كالما الأمور فالندوة الصحفية بعدما سالا الماتش، وقال باللي هادي هي مباريات كرة القدم، مضيفا باللي كيكون الصهد وحتا لي كالسين ف الاحتياط عياو لاحارك اللاعبين، وهادشي كيوقع.