باريس سان جرمان حاطين العين على أكرد

كشفت تقارير فرنسية ان باريس سان جرمان الفرنسي محتاج لمدافع وحاط العين على لاعب مغربي، كيتعتبر واحد من المدافعين البارزين دابا فأوروبا.
وحسب جريدة "ليكيب" الفرنسية، فالأمر كيتعلق بالدولي المغربي نايف أكرد مدافع ويستهام النگليزي، وضحت ان مسؤولين باريس سان جرمان حاط عليه العين، ومشاو سولو ودارو استفسارات عليه.
وكاين نايف أكرد دابا مع المنتخب الوطني المغربي فالكوت ديفوار باش يشارك فكوب دافريك، والنجم المغربي كيتعتبر من احسن المدافعين دابا فالعالم، بالمستوى اللي كيقدم سوا مع ليكيب ناسيونال او مع ويستهام.