مدارس وجامعات فميريكان دعاو فيسبوك وتيك توك ويوتوب.. تاهموهوم بتخريب عقول الشباب

قررات بزاف ديال المدارس والجامعات ف ميريكان أنها ترفع دعوى قضائية ضد العمالقة د السوشل ميديا في البلاد، وهما فيس بوك وتيك توك وحتى يوتوب، كيتاهموهم فيها بأنهم "كيخربو عقول الشباب".
على حاسب ما قال موقع "بابليك نيوز سيرفيس" الميريكاني، فهاد الدعوى جات بعدما لاحظو التأثير الخطير ديال السوشل ميديا على الدماغ والعقل ونفسية التلاميذ ديالهم.
كيقول واحد البروفيسور، من الأساتذة لي دارو هاد الخطوة، أنه بصح أن السوشل ميديا عندها منافع خاصة في التواصل بين الشباب، ولكن راهم لقاو شي حوايج خايبين بزاف على صحتهم العقلية والنفسية.
من أبرز المشاكل لي لقاو، على حساب ما كيقول هاد البروفيسور هو الميول الكبير ديال هاد الشباب باش يأديو راسهم ويضروه، وكيقول أن هادشي كتتزاد الخطورة ديالو بالنسبة للدراري الصغار.