ردو البال لولادكم.. بنت صغيرة ف العراق ماتت بسباب الإندومي، ها شنو وقع ليها

ماتت واحد البنت صغيرة في محافظة كركوك فالعراق بعد ساعات قليلة من الوصول ديالها للصبيطار، بسباب تسمم حاد وقع ليها بعدما كلات إندومي.
في تصريح ليه لموقع "بغداد اليوم" العراقي قال الوالد ديال هاد البنت لي سميتها "رؤى يوسف" أنها فالليلة ديل الاثنين بدات كتقيا وجاها إسهال خايب والسخانة، وداكشي ساعات قليلة مما كلات الإندومي.
من جيهتو، قال سبيطار "داقوق" لي مشات ليه، أن البنت ماتت قبل ماتوصل للصبيطار، ورجح أن سبب التسمم ديالها هو "الإندومي".