ردو البال.. امراة نمساوية نفخات شنايفها بالفيلر وماتت بعد 2 سيمانات

ماتت واحد البنت نمساوية بطريقة مأساوية، بعد جوج السيمانات من واحد العملية دارتها باش تنفخ شنايفها.
على حساب ما قالت الصحافة النمساوية فالعملية دارتها ليها واحد خييتي معروفة فإنتسغرام وكتروج لراسها بأنها خبيرة فهادشي.
الضحية لي ماتت خلصات 180 يورو باش تدكَ ليها البيكورة ديال الفيلر فشنايفها، وكيقولو الأطباء أنها دارت ليها حساسية، ماوالماتش صحتها.
من جيهتو، كيقول راجلها أن الأطباء مادارو حتى تحاليل لمراتو واخا تنفخو ليها الكواطر ديالها ولي كيدل على أنها جاتها حساسية خايبة.