طارق تيسودالي حيح فبلجيكا قبل إعلان الركراكي لاليست الأسود لكاس إفريقيا

كيواصل الدولي المغربي طارق تيسودالي التألق مع فريق جينت البلجيكي، وهذا الشي قبل يومين من إعلان الناخب الوطني وليد الركراكي على لاليست المنتخب المغربي المشاركة فكأس إفريقيا 2023 فالكوت ديفوار.
وربّح طارق تيسودالي جينت اليوم فماتش ضد كورتريك، بجوج بيوتا لزيرو، ماركاهم فالدقيقة 6 والدقيقة 55، وخداو 3 بوان مهمة رفعو بها رصيدهم من النقاط إلى 38 نقطة محتلين المركز الثالث فالبطولة البلجيكية.
هاد جوج بيوتا اللي ماركا طارق تيسودالي فماتش جينت وكورتريك، هما ال9 للنجم المغربي فالبطولة البلجيكية هذا الموسم، مع العلم أن الحضور ديالو فمعسكرات المنتخب المغربي مؤخرا ولا بشكل مستمر.