زينباور مدرب الرجاء: كنا نقتلو مباراة بركان فالشوط الأول وخاصنا نساو هاد الماتش

اعتبر الألماني جوزيف زينباور مدرب الرجاء الرياضي أن الفريق ديالو كان مزيان فالشوط الأول من الماتش اللي تعادلو فيه اليوم الاحد بواحد لواحد مع نهضة بركان ضمن الدور 12 من البطولة الاحترافية، وتحدث بعدما سالا الماتش وقال فتصريح له، أنه فرحان بالطريق اللي لعبو بها اللاعبين اللي ضيعو بزاف ديال الفرص.
وقال زينباور أن الرجاء كانو يقدرو يقتلو الماتش فالشوط الأول من المباراة، ولكن فالشوط الثاني تبدل كلشي وكانو لاعبين بركان احسن، ولاعبين الرجاء ما استغلوش الطرد اللي كان عند براكنة.
وكمل مدرب الرجاء الرياضي وقال بلي دارو هجمات مرتدة مزيانة ولكن ما استغلوهاش وماكنتش عند اللاعبين الفاعلية باش يحولوها لأهداف، بسبب الفينيسيون اللي ما كانش، واعتبر أن هاد الماتش صفحة وتطوات".