المغاربة محيحين فاليوروبا ليك: الكعبي والعربي ماركاو وما عندهم زهر.. اكرد وحارث وأوناحي وعدلي تأهلو للويتيام

ساهم الثنائي المغربي ايوب الكعبي ويوسف العربي فرباح فريقهم اولمبياكوس اليوناني على باتشكا توبولا الصربي، الخميس ضمن الجولة السادسة من دور مجموعات اليوروبا ليك.
وربحو اولمبياكوس الماتش بنتيجة 5 اهداف مقابل 2، كان نصيب ايوب الكعبي منها الهدف الاول، ويوسف العدلي الهدف الخامس.
هذا الرباح ما كانش قاد اولمبياكوس باش يتأهل للويتيام فينال د اليوروبا ليك، حيث الفريق بقى محتل المركز الثالث فالكروب الاول، اللي فيه ويستهام النكليزي واللاعب المغربي الاخر نايف أكرد وتأهلو فالصدارة.
الويتيام فينال تأهلو فيه اللاعبين المغاربة مع فرقهم، وكاين الثنائي المغرب امين حارث وعز الدين اوناحي مع اولمبيك مارسليا الفرنسي اللي تأهلو من الكروب الثاني، وكاين بايرن ليفركوزن الالماني واللاعب ديالو المغربي امين عدلي اللي تأهلو للويتيام بعدما تصدرو الكروب 8.