لكي تركبوها و زينة

كيحير ليك لعجب فشي وحدين, فالوقت لي ناس كتزيد لقدام هوما باغيين يردونا غير لور لور.....كاباليك ان هذا هو هدفهم الوحيد فالحياة, خاصهم يشوفو الناس معذبين عاد يرتاحوا.

فالوقت لي هوما ماقدرينش يتبناو مواقفهم بشكل علني و صريح. كيغلفوها بالف جلابة و قفطان. و يزوقوها و يلحنوها, حتى كايتزطم فيها بزاف ديال الناس.....و مثال على ذالك هما المهرجانات الفنية و التيجيفي.


لبارح كايقولو لينا هاد الناس حنا ضد المهرجانات الفنية. ليس لانها فيها ضياعة ديال لفلوس. و لكن لانهم ضد شاكيرا ...... و ضد الفن عموما, و ضد انهم يشوفو بنادم ضاحك و ناشط, و للاسف الكثيرين من مناضلي و مناضلات 20 فبراير لي خرجو من اجل الحرية و الانعتاق, تزحلقو معاهم و رجعوا كايدافعوا على التشدد و الانغلاق, بلا مايعيقو..........

و ليوم كاليك هما ضد تيجي في, اش خصك ا لعران تيجيفي امولاي........ بحال الى باغيينا نوليو نركبوا على الجمال و الدواب, عاد يتهناو.....

كيفكرني هاد شي بالشهيد فرج فودة منين سول واحد السيد علاش كتركب فوق الدابة, فاجابه لان السيارة لكي تركبوها فقط, و الدابة لكي تركبوها و زينة...



سامي المغربي