الناصيري غيخلي رمزي فالوداد بهاد الشروط

تدخل سعيد الناصيري رئيس الوداد الرياضي باش يحل الأزمة داخل الفريق، واللي ولات باينة بشكل كبير بين المدرب عادل رمزي واللاعبين ومقلقة بزاف، وأثرت فالنتائج د الواك.
وجلس سعيد الناصيري، اليوم الاثنين، مع المدرب عادل رمزي، باش يلقاو حل للأزمة ديال الفريق وخرجو باتفاق على تجديد البريزيدون ديال الواك الثقة فالمدرب ولكن بشروط.
ومن بين شروط سعيد الناصيري لاستمرار عادل رمزي فتدريب الوداد، تغيير عدد من أعضاء الطاقم التقني ديالو، وأيضا، يحل المدرب المشاكل ديالو مع شي لاعبين وبينهم رجوع زهير المترجي للفريق الأول، مع تحقيق الفريق استفاقة ولنتائج إيجابية ابتداء من الماتش الجاي ضد مولودية وجدة الأربعاء المقبل.