دخلو يباتو خرجو جثث.. 13 واحد ماتو فحريق ديال أوطيل في كازاخستان

علنات السلطات في كازاخستان، البارح الخميس، أن 13 شخص ماتو بسباب واحد الحريق شعل ف أوطيل بمدينة ألماتي، لي كانت هي العاصمة ديال البلاد فواحد الوقت.
وقالت المديرية ديال الأحوال الطارئة في المدينة أنها طفات العافية لي شعلات ف لوطيل بعد ساعات قليلة، ولقات 13 واحد ميت.
في انتظار التحقيقات الكاملة باش نعرفو الأسباب الحقيقية ديال الحريق، كيقولو السلطات أن هاد الناس لي ماتو غالبا بسباب الاختناق بثنائي أكسيد الكربون.
ودابا غادي يديرو لهاد الجثث التحاليل باش يكشفو على الهويات ديالهم.
هاد لوطيل كان جالس فيه 72 واحد فنفس الليلة لي شعلات فيه العافية، 59 واحد منهم خرجو منو سالمين.