الرجاء لاعبين ماتش أميكال جديد حيث البطولة موقفة وها مع من وفين

قرر الالماني جوزيف زينباور مدرب الرجاء الرياضي ان الفريق يلعب ماتش أميكال جديد، باش يحافظو اللاعبين على الريتم والجاهزية حيث البطولة الاحترافية توقفت.
وغيلعبو الرجاء الرياضي الويكاند الجاي مع فريق يوسفية برشيد ماتش أميكال فمدينة الجديدة، وباغي يستغل جوزيف زينباور الماتش باش يخلي اللاعبين واجدين وعندهم الريتم ديال الماتش، حيث الماتش الرسمي الجاي ديال الفريق باقي عليه أسبوع والصرف.
للإشارة فالرجاء الرياضي تعود يلعب مؤخرا ماتشات وديين في ظل التوقف المتكرر للبطولة الإحترافية، وآخر ماتش ودي لعبو الفريق كان ضد اولمبيك اسفي الويكاند قبل الماضي فالجديدة وربحوه الرجاء بنتيجة 2 لواحد.