فرنسا تأهلت لدومي فينال مونديال U17 وكتسنا المغرب او مالي

تأهل المنتخب الفرنسي لاقل من 17 عام إلى دومي فينال مونديال U17، ودابا كيتسنا المتأهل من ماتش المغرب ومالي اللي غيتلعب ضمن ربع النهائي بعد ساعة ونص تقريبا.
وقدر المنتخب الفرنسي يتأهل لدومي فينال مونديال أقل من 17 عام، بعدما ربح اليوم السبت فربع النهائي منتخب أوزباكستان بنتيجة واحد لزيرو، فماتش ما كانش ساهل، ولكن عرفو الفرنسيين كيفاش يتأهلو منو، وراه الهدف ديال فرنسا ما ماركاوه حتى للدقية 84، بواسطة إسماعيل بوب.
وبعدما تعرفو الطرفين ديال الدومي فينال الاول اللي غيجمع بين المانيا والأرجنتين، دابا تعرف الطرف الاول من الدومي فينال الثاني، والفرنسيين كيتسناو يعرفو مع من غيلعبو واش المغرب او مالي.