ريحة الحلبة عطات فالبرلمان. مستشار ما كيبانش بزاف وما كيشاركش فالنقاش جاب لهاد اللجنة الرفيسة

علمات "كود" باللي برلماني ناب٬ يامس لخميس 23 نونبر 2023 ٬ على الحكومة وعلى مجلس المستشارين وعرض على أعضاء لجنة المالية بواحد المضهوسة عامرة حلبة وعشوب تكرم اليوم واحد المستشار البرلماني٬ اللي عندو شي استثمارات في مراكز الاتصال والعقار، بعراضة على أعضاء لجنة المالية بواحد الغذا فاعل تارك حسب احد المدعويين ل"كود".
وبدل ما تدير رئاسة اللجنة الغذا، ناب عليها المستشار البرلماني قليل فاش كيحضر اصلا لمجلس المستشارين ولا كتشوفو يناقش بحال باقي المستشارين. هاذ البرلماني غدا أعضاء اللجنة٬ يضيف مصدر "كود" و وبعض الموظفين ديال المجلس بالرفيسة والدجاج البلدي، وكانت عامرة بالحلبة البلدية حتى عطات ريحتها.
واضاف مصدر "كود" باللي بعد ما شبع الحضور قال ليهم مرحبا بكم غذا الجمعة. راه كاين الكسكسو.
اللي ما معروفش هو علاش هاد لعراضة من هاد المستشار. علاش جاب الرفيسة للبرلمان. طبعا ماشي لله فسبيل الله. كاينة ان. يكما عندو شي اغراض كتهم شركاتو؟
سبق للبرلماني المثير للجدل ولغوات ديال التجمع الوطني للاحرار محمد السيمو اللي جاب بورما ديال البايصارة من القصر الكبير وفرقها على عدد من النواب.
گلبوها كونتين هادو ماشي مجلس يجيب القوانين لتطوير هاد لبلاد