سكوب. فخاطر المقاطعين. لجنة استطلاع البرلمان حول المحروقات غادية تقدم الثلاث الجاي. جوجت التقارير و”طوطال” الفرنسية هي الشركة الاولى فالارباح تابعاها “وينكسو”

علمت “كود” ان اللجنة الاستطلاعية للمحروقات ستقدم نتائجها نهار الثلاث المقبل 15 مايو بمجلس النواب. التقرير اللي كان اشرف عليه عبد الله بوانو وفق مصدر “كود” مازال فيه الصداع. مصدر “كود” قال ان هناك تقريرين دابا. واحد كيقول باللي خاصو يخرج كيف تصايب. بكل الارقام ومالين هاد الرأي هو برلمانيي العدالة والتنمية” اما الثاني تضيف مصادر “كود” فانه يرفض الكشف عن حسابات خاصة بالشركات 7 ديال المحروقات وكيقول باللي هاد الشي مسائل داخلية خاصة بالشركات. هاد الرأي فيه احزاب الحركة الشعبية والتجمع الوطني للاحرار والاتحاد الاشتراكي
غير ان برلمانيا اخر قلل من هاد التقرير “ما فيه والو فارغ. فيه اراء وزراء فالحكومة ومالين الشركات. ما كاينش علاش الاثمنة كتغير ما فيهش كيفاش خاصها تراقب ما فيهش حتى موقف مجلس المنافسة. يعني العمق ما كاينش” يوضح مصدر “كود”.
حسب مصدر “كود” فان الارقام اللي فهاد التقرير تخص الشركات السبعة قبل 2015 وبعد هاد السنة اي تحرير الاسعار. المصدر نفسه اكد ل”كود” ان الشركة اللي كتربح بزاف هاد الشركات هي “طوطال” تابعاها “وينكسو”. دابا الناس دايرين المقاطعة لشركة مغربية خالصة اللي هي “افريقيا” واخا ماشي هي اللي كتربح وفق تقرير ديال البرلمان وسير فهم شي حاجة