الرجاء بداو كيبيعو تذاكر ماتش المحمدية والأسعار بين 70 وألف درهم

أكدو الرجاء الرياضي من جديد أنهم غيدخلو الماتش ديالهم ضد شباب المحمدية فتيران العبدي بمدينة الجديدة، وحددو ثمن تذاكر المباراة المندرجة ضمن الدور 10 من البطولة الاحترافية.
وطلقو الرجاء الرياضي ليلة الاحد-الاثنين، تذاكر ماتش الفريق ضد شباب المحمدية للبيع، وحددوها فثمن 70 درهم، و150 درهم، 500 درهم، و1000 درهم، وخاص أي واحد باغي يقطع التذكرة يكون كيتوفر على "لاكارط رجاوي".
وغيستقبل الرجاء الرياضي شباب المحمدية الاحد الجاي فتيران العبدي بمدينة الجديدة، وعلنت العصبة أن الماتش غيبدا مع 6 وربع ديال العشية بلاما تعلن فين غيتلعب، فالوقت اللي أكدو فيه الرجاء أنهم غيلعبو فتيران الجديدة.