التنزانيين: باغيين نربحو النيجر وبعدها المنتخب المغربي

عبرت مكونات منتخب تنزانيا على الرغبة ديالهم فتحقيق نتائج إيجابية مع بداية اقصائيات كاس العالم 2026، فالجولة الاولى ضد النيجر والثانية ضد المغرب من المجموعة 5.
وتحدث اللاعب السابق للوداد الرياضي سايمون مسوفا لاعب منتخب تنزانيا قبل من ماتش منتخب بلاده ضن النيجر غدا السبت فتيران مراكش الكبير وقال فتصريح له: "حنا واجدين وغنتقاتلو على قبل بلادنا باش نربحو، وتحقيق نتيجة ايجابية فماتش غدا ضد النيجر غيعطينا حافز باش نربحو الماتش الجاي (مواجهة المغرب)".
الجزائري عادل عمروش مدرب تنزانيا عبر فتصريح له على الفرحة ديالو حيث غيلعب مع النيجر فمدينة مراكش، وقال ان اللاعبين التنزانيين واحدين الماتش ضد النيجر والمغرب، واكد ان المهمة واخا صعبة ولكن الهدف ديالهم هو تحقيق نتائج ايجابية فالماتشات بجوج باش يفرحو التنزانيين".
وغيلعب منتخب تنزانيا مع النيجر غدا السبت فالماتش اللي غيستقبلوه النيجر فتيران مراكش الكبير، وبعدها غيمشيو تنزانيا لبلادهم باش يلعبو مع المنتخب المغربي فدار السلام.